Aragtida Ogaal
Soomaaliya midaysan, nabad ah, lagu maamulo cadaalad iyo sarraynta sharciga; dawladdu u adeegto, fursadna u abuurto muwaadin kasta, kana mid noqota wadamada hormuudka u ah Afrika.
Ku Saabsan Ogaal
Lagu aasaasay Muqdisho 2026-kii si Soomaaliya loogu hoggaamiyo isbeddel dhammaystiran.
Xisbiga Ogaal waa xisbi lagu aasaasay magaalada Muqdisho 2026-kii oo ay aas-aaseen aqoonyahanno iyo hoggaan bulsho oo u kuur galay dhibaatooyinka ka jira Soomaaliya, ku sameeyey cilmi-baarisyo qoto dheer, kadibna diyaariyey hab-raacyadii looga bixi lahaa dhibaatooyinkaas.
Ogaal wuxuu u taagan yahay in uu Soomaaliya u hoggaamiyo isbeddel-dhammaystiran si ay dadka Soomaaliyeed u helaan cadaalad, amni, nolol, koboc dhaqaale, dawlad-wanaag iyo xuquuqdooda muwaadinnimo.
Ujeedada loo aasaasay Ogaal waa in shacabka Soomaaliyeed, gaar ahaan dhalinyarada, helaan masrax ay si sharci ah ugu xaqiijiyaan himilooyinkooda dhow iyo kuwooda fogba.
Himilada Ogaal
Dhisidda Soomaaliya midaysan, caddaalad ah, barwaaqo ah, iyadoo lagu gaadhayo hoggaan hufan, dowladnimo isla-xisaabtan leh, iyo fursado ay u wada siman yihiin dhammaan muwaadiniintu.
Mabaadi'da Guud ee Xisbiga Ogaal
Nabad & xasillooni
Nabad, xasillooni iyo is-ku-filnaansho, iyo is-la-tashi la isku hallayn karo.
Caddaalad
Caddaalad iyo xil iska saarka danta muwaadinka.
Sarraynta sharciga
Qofna kama sarreeyo sharciga; hay'ado u fuliya si siman.
Midnimada dalka
Xoojinta wadajirka dadka Soomaaliyeed si loo adkeeyo midnimada dalka.
Dastuur wadar ogol ah
Dastuur ay Soomaalida oo dhan isku raacsan yihiin.
Federaal muwaadin-u-shaqeeya
Nidaam federaal oo muwaadinka u shaqaynaya.
La dagaalanka musuqa
Hay'ado hufan oo la isla xisaabtami karo.
Is-ku-filnaansho dhaqaale
Dhaqaale fursado abuura oo ku tiirsan awooddiisa.
Hoggaamiyaha
Mustaqbalka Soomaaliya wuxuu ku xiran yahay ka faa'iidaysiga muhiimadda juqraafiyadeed, firfircoonida ganacsatada Soomaaliyeed iyo xiriirka dhaqaale ee gobolka iyo dunida.
Abdulkareem Hassan Jama
Hoggaamiyaha Xisbiga & Murashaxa Madaxweynaha 2026
Ka Qaybqaado
Isbeddelku adiga ayuu kaa bilaabmaa
Waqtigaaga ku tabaruc ama xubin noqo. Wax kasta oo aad bixiso waxay dhisaan Soomaaliya ka wanaagsan.